8

മ​ല​പ്പു​റം: കാ​ല​വ​ര്‍​ഷം ക​ന​ത്തു പെ​യ്യു​മ്പോ​ള്‍ ജി​ല്ല​യി​ലെ പ​ക​ര്‍​ച്ച​വ്യാ​ധി പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളി​ല്‍ ഗു​രു​ത​ര അ​പാ​ക​ത​യെ​ന്ന് ആ​രോ​പ​ണം. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ​യും ആ​രോ​ഗ്യ വ​കു​പ്പി​ന്‍റെ​യും ഏ​കോ​പ​ന​മി​ല്ലാ​യ്മ​യാ​ണ് പ്ര​ശ്‌​ന​മെ​ന്നാ​ണ് ആ​ക്ഷേ​പം. ഡെ​ങ്കി​പ്പ​നി, എ​ലി​പ്പ​നി, വ​യ​റി​ള​ക്ക രോ​ഗ​ങ്ങ​ള്‍ എ​ന്നി​വ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ റി​പ്പോ​ര്‍​ട്ട് ചെ​യ്ത സാ​ഹ​ച​ര്യം കാ​ര്യ​ങ്ങ​ളു​ടെ ഗൗ​ര​വം വ​ര്‍​ധി​പ്പി​ക്കു​ക​യാ​ണ്.

ഡ്രൈ ​ഡേ ആ​ച​ര​ണ​വും ഉ​റ​വി​ട ന​ശീ​ക​ര​ണ​വും പേ​രി​ന് മാ​ത്രം ഒ​തു​ങ്ങി​യ​താ​ണ് രോ​ഗ​വ്യാ​പ​ന​ത്തി​ന് ഇ​ട​യാ​ക്കി​യ​തെ​ന്നാ​ണ് വി​മ​ര്‍​ശ​നം. പ​ല ത​ദ്ദേ​ശ സ്ഥാ​പ​ന​ങ്ങ​ളി​ലും മ​ഴ​ക്കാ​ല​പൂ​ര്‍​വ ശു​ചീ​ക​ര​ണ ഫ​ണ്ട് കൃ​ത്യ​സ​മ​യ​ത്ത് വി​നി​യോ​ഗി​ക്കാ​ത്ത​തും ഹ​രി​ത​ക​ര്‍​മ സേ​ന​യു​ടെ​യും ശു​ചീ​ക​ര​ണത്തൊ​ഴി​ലാ​ളി​ക​ളു​ടെ​യും സേ​വ​നം ഫ​ല​പ്ര​ദ​മാ​യി ഏ​കോ​പി​പ്പി​ക്കാ​ത്ത​തും തി​രി​ച്ച​ടി​യാ​യി​ട്ടു​ണ്ട്. പൊ​തു​വ​ഴി​ക​ളി​ലെ​യും മ​റ്റും അ​ഴു​ക്കു​ചാ​ലു​ക​ള്‍ ശു​ചീ​ക​രി​ക്കാ​ത്ത​തി​നാ​ല്‍ മ​ലി​ന​ജ​ലം കെ​ട്ടി​ക്കി​ട​ന്ന് കൊ​തു​കു​ക​ള്‍ പെ​രു​കു​ന്ന സാ​ഹ​ച​ര്യ​മു​ണ്ട്.

ഡ്രൈ ​ഡേ ആ​ച​ര​ണം വാ​ര്‍​ഡു​ത​ല ആ​രോ​ഗ്യ സ​മി​തി​ക​ളു​ടെ യോ​ഗ​ങ്ങ​ളി​ല്‍ മാ​ത്രം ഒ​തു​ങ്ങി​യെ​ന്നും ഫീ​ല്‍​ഡ് ത​ല​ത്തി​ല്‍ ബോ​ധ​വ​ത്ക​ര​ണ​മോ പ​രി​ശോ​ധ​ന​യോ ന​ട​ക്കു​ന്നി​ല്ലെ​ന്നും ആ​രോ​പ​ണ​മു​ണ്ട്.

ഹോ​ട്ട്‌​സ്‌​പോ​ട്ടു​ക​ളി​ല്‍ ശ്ര​ദ്ധ​യി​ല്ല

പൊ​ന്നാ​നി, താ​നൂ​ര്‍, പ​ര​പ്പ​ന​ങ്ങാ​ടി തു​ട​ങ്ങി​യ തീ​ര​ദേ​ശ മേ​ഖ​ല​ക​ളി​ലും വ​ണ്ടൂ​ര്‍, നി​ല​മ്പൂ​ര്‍ തു​ട​ങ്ങി​യ മ​ല​യോ​ര മേ​ഖ​ല​ക​ളി​ലും പ്ര​ത്യേ​ക പ്ര​തി​രോ​ധ പ​ദ്ധ​തി​ക​ള്‍ പ്ര​ഖ്യാ​പി​ച്ചി​രു​ന്നെ​ങ്കി​ലും ഇ​വ​യൊ​ന്നും കൃ​ത്യ​മാ​യി ന​ട​പ്പ​ക്കാ​യി​ട്ടി​ല്ലെ​ന്നാ​ണ് പ​രാ​തി. ലേ​ബ​ര്‍ ക്യാ​മ്പു​ക​ളി​ലും നി​ര്‍​മാ​ണ മേ​ഖ​ല​ക​ളി​ലും ആ​രോ​ഗ്യ വ​കു​പ്പ് ന​ട​ത്തേ​ണ്ട പ​രി​ശോ​ധ​ന​ക​ള്‍ മു​ട​ങ്ങി​യ​തും രോ​ഗ​വ്യാ​പ​ന ഭീ​ഷ​ണി​ക്കി​ട​യാ​ക്കി.

അ​നാ​സ്ഥ​ക്കെ​തി​രേ പ്ര​തി​ഷേ​ധം

പ്ര​തി​രോ​ധ പ്ര​വ​ര്‍​ത്ത​ന​ങ്ങ​ളി​ലെ ഉ​ദ്യോ​ഗ​സ്ഥ അ​നാ​സ്ഥ​ക്കെ​തി​രേ ജ​ന​ങ്ങ​ളി​ല്‍നി​ന്ന് പ്ര​തി​ഷേ​ധം. കൊ​തു​ക് ന​ശീ​ക​ര​ണ​വും ഡ്രൈ ​ഡേ ആ​ച​ര​ണ​വും ഊ​ര്‍​ജി​ത​മാ​ക്ക​ണ​മെ​ന്നാ​ണ് ആ​വ​ശ്യം.